里奧叔叔的台灣創業路 《1》
貶下眼里奧叔叔移民嚟左台灣已經5年，呢個唔長唔短既5年系台灣生活得好寫意，由兒女既學習環境，家庭既生活環境以及里奧叔叔既生意營運都好滿意，系台灣越住越開心。
里奧叔叔算是600萬投資移民的第一批
6年前只要存款500萬台幣就可以移民台灣，但後來改例為要注資600萬設立公司並正常營運，了解好有關手續之後就著手安排一家大細移民台灣。
第一件事系要考慮投資咩生意？No no no ......
人在香港又點可能諗到系台灣做咩生意好？里奧叔叔系香港雖然都一直營商，但環境唔同做生意要考慮既野都唔一樣，人都未黎到台灣點知可以做咩生意呀，靠上網問下人得嗎？你地話呢……🤣🤣，不過 當時手續簡單，是是但但開間公司run 下就可以黎，正常營運唔理賺蝕又唔洗請人咁就無難度啦，當系放自己一年假之後再諗賺錢野囉。
就系咁，里奧叔叔拿到居留證後就一家大細搬埋過百箱家當黎左台灣，第一件事要考慮既就緊系住系邊啦，里奧叔叔一定唔會揀台北，行左幾個城市，里奧叔叔最後決定落戶高雄。
不建議到台灣生活前決定投資何類生意
人生路不熟，就算台灣北、中、南部做生意都有不同情況啦，何況大家仲要系新移民，除非你準備做既生意無分國界，或你好有信心你既生意一定大受歡迎，否則，里奧叔叔會勸你想辦法系台灣第一年只做小投資，要輸左都唔傷心。
老實講，里奧叔叔決定得一家移民都唔會系手停口停一族，雖然唔算咩富貴人家，但一年半載無收入都冇咩大問題，所以當時在投資移民公司只需要設立一年的情況下，里奧叔叔就開左一間網店hea做，但里奧叔叔唔系為左滿足移民條例而hea做 , 亦冇打算入台籍後會返香港搵錢，第一年hea 做系為左里奧叔叔日後系台灣點樣落地生根，里奧叔叔台灣營運既發展，發展里奧台灣夢。
待續………極忌急，第一年要多花時間了解市場。
想聽里奧分享多D有關我既台灣創業路同生活
🇹🇼請大家分享出去啦🇹🇼
#請留言表示支持
#里奧叔叔的台灣創業路
#移民台灣
#投資移民
#台灣夢
Search